Забавува падот на европскиот пазар на недвижнини, кириите растат

По речиси две години континуирано намалување на вредноста, падот на комерцијалниот имот во Европа се забавува. Вредностите паднаа за само 0,5 проценти во трите месеци до март, што е значително побавна стапка од падот од 3,4 проценти забележан во последниот квартал од минатата година, покажуваат податоците собрани од „Алтус груп“ (Altus Group). Иако, вредноста на имотот паѓа седум квартали по ред, скромното намалување во првиот квартал од годинава е најдобар резултат од од јуни 2022 година, покажуваат податоците на „Алтус“.

Вредноста на имотот е погодена од повисоки каматни стапки бидејќи купувачите имаат поголем поврат во услови на повисоки приноси на државниот долг со низок ризик. Дел од тоа влијание беше неутрализирано со зголемените кирии, но неизвесноста за времето на намалување на каматните стапки го повлече падот, кој започна по руската инвазија на Украина на почетокот на 2022 година.

„Нивото на пад на вредноста значително се намали во сите сектори на пазарот“, напиша шефот на одделот за аналитика на перформанси на „Алтус“, Фил Тили, во извештајот. „Пазарот може да се подели на два табора, при што падот на индустриската и станбената вредност најмногу се намалува, додека вредноста на имотот за малопродажба и канцелариите продолжи да паѓа повеќе од просекот“.

Во моментов нема коментари за веста. Биди прв да коментира...

Остави коментар