Италијанската влада размислува за воведување нови давачки за банките, осигурителните и енергетските компании, јавуваат локалните медиуми.
Официјални лица работат на решение за потенцијален данок, кој нема да биде сличен на кризниот данок предложен во 2023 година, објави весникот „Ла Стампа“ без да каже од каде ги добил информациите. Предлогот ќе таргетира низа компании кои имаат корист од високите каматни стапки, како и од пренесувањето на трошоците од инфлацијата на клиентите.
Предлогот за вонредни даноци нема да биде подготвен да се дискутира на состанокот на владата закажан за 7 август, објави и торинскиот весник. Идејата не е вклучена во ниту еден нацрт-закон и таа е во многу рана фаза.
„Слушаме гласини кои многу личат на ситуацијата од минатото лето, со потенцијално поголема примена во секторот и различни компоненти на владата кои имаат многу различни ставови за мерката“, напиша аналитичарот на „Медиобанка“ (Mediobanca), Андреа Филтри, во белешка до клиентите.
Пред една година, италијанската влада ги изненади инвеститорите предлагајќи неочекуван данок за банките, но потоа отстапи од законот.
„Ад хок данокот може потенцијално да ги исплаши странските директни инвестиции во земјата и да ги одврати меѓународните инвеститори во Италија како целина“, рече Филтри.
.webp){kind=icon}
