Во јули годишната инфлација во еврозоната беше 2,6 отсто наспроти 2,5 отсто во јуни, потврди во вторникот „Евростат“.
Во целата Европска Унија (ЕУ) се забрза на 2,8 отсто од 2,6 отсто во јуни.
Најниски годишни стапки се забележани во Финска (0,5 отсто) и во Летонија (0,8 отсто) и надвор од еврозоната во Данска (1,0 отсто).
Највисока стапка надвор од еврозоната имаше во Романија (5,8 отсто), а во еврозоната во Белгија (5,4 отсто).
Во однос на јуни, годишната инфлација падна во пет земји членки на ЕУ, остана иста во четири и се зголеми во 14.
Најголем придонес за годишната стапка на инфлација во јули во еврозоната имаа услугите (1,82 процентни поени), потоа храната, алкохолот и тутунот (0,45 процентни поени), индустриските производи без енергија (0,19 процентни поени) и енергијата (0,12 процентни поени).
На месечно ниво, инфлацијата остана непроменета во еврозоната, а во ЕУ порасна за 0,1 отсто
Услугите го поттикнуваат растот на цените и во регионот Адрија, и покрај забавувањето на инфлацијата, според аналитичарите на „Блумберг Адрија“.
Тие наведуваат дека намалувањето на надворешните притисоци овозможило релативно стабилизирање на цените во однос на претходните години. Глобалните цени на енергијата и на храната се пониски од пред една година, што укажува дека увозната страна на инфлацијата слабее.
„Базичната инфлација покажува стабилност поради инфлацијата на услугите, која во моментов е лидер во однос на вкупните стапки во регионот“, наведуваат аналитичарите на „Блумберг Адрија“ во овонеделната оцена.
.webp){kind=icon}
