Лондончани сè повеќе купуваат куќи подалеку од главниот град

Сè повеќе лондончани купуваат домови подалеку од главниот град во обид да добијат поголема вредност односно подобри услови за вложените пари. Граѓаните што се иселувале во просек купувале дом на рекордни 39 милји надвор од градот помеѓу јануари и јуни годинава според извештајот на брокерската куќа „Хемптонс Интернешнл“. Тоа е шест милји подалеку отколку во 2019 година и 65 проценти повеќе отколку типичните купувачи кои прв пат купувале недвижност.

„Четири години од пандемијата многу градски работници се населиле во нова нормала кога станува збор за одење во канцеларија“, рече Анеиша Бевериџ, раководител на истражување во „Хемптонс“. „Во обид да го направат својот капитал повреден, лицата што се селат продолжуваат да се иселуваат на подолги растојанија надвор од главниот град“.

Домаќинствата во Обединетото Кралство се соочуваат со мешавина на притисок од трошоците предизвикани од повисоките каматни стапки и трошоците за живот. Додека стапките на станбените заеми постојано се намалуваат од 15-годишниот максимум што го достигнаа во 2023 година, бројот на имоти под хипотека во Обединетото Кралство се зголеми за осум проценти во вториот квартал од оваа година.

Над 25 проценти од домаќинствата кои го смениле својот дом во Лондон со живеалиште надвор од главниот град се преселиле повеќе од 100 милји подалеку во првата половина од годинава, што е значително повисоко од просекот од 17 проценти забележан помеѓу 2015 и 2019 година. Во просек, оние што го напуштаат Лондон се движат 50 проценти подалеку од од пред една деценија, при што високите трансакциски трошоци го намалија бројот на пократки, почести потези, соопшти „Хемптонс“.

Гедлинг и Норт Сомерсет - две локални власти со седиште во Мидлендс и западна Англија, забележале дека бројот на лица кои сакаат да го напуштат Лондон се зголемил повеќе од двојно во првата половина на 2024 година во споредба со истиот период минатата година. Домаќинствата кои го напуштаат Лондон изнесуваат 48 проценти од луѓето кои купуваат дом надвор од главниот град во периодот од јануари до јуни.

Сепак, долгогодишниот пораст на купувачите кои првпат го напуштаат Лондон беше ограничен во првата половина од годината, бидејќи постојаниот пад на хипотекарните трошоци и пониските цени на куќите ги охрабрија повеќе потенцијалните сопственици на куќи да купуваат во главниот град. Лицата кои прв пат купуваат дома купиле рекордни 48 проценти од продадените куќи во Лондон во периодот од јануари до јуни, што е зголемување од 41 проценти во однос на 2023 година и за 28 проценти во однос на пред една деценија, се вели во извештајот.

Уште повеќе, купувачите кои првпат го напуштаат главниот град се повеќе бараат подостапни области поблиску до Лондон, наместо да се движат подалеку. Уделот на купувачите кои првпат го напуштаат Лондон на село се преполови од својот врв од шест проценти во 2020 година.

„Пониските хипотекарни трошоци се спуштија под они за кирија, што им донесе олеснување на оние што го бараат својот прв дом во главниот град“, рече Бевериџ од „Хемптонс“. „Купувачите кои прв пар купуваат, а имаат подлабок џеб повторно гледаат во Лондон, избирајќи ги Клапам наместо Кроули и Вембли наместо Вајкомб“.

Во моментов нема коментари за веста. Биди прв да коментира...

Остави коментар