Австрија одлучи да не издава долгорочна државна обврзница бидејќи апетитот за такви обврзници исчезнува.
Управата за јавен долг на земјата соопшти дека ќе издава само петгодишни обврзници, изјавија за „Блумберг“ извори запознаени со плановите на властите. На почетокот на оваа недела, австриските власти се обидоа да го измерат интересот на инвеститорите за 86-годишни обврзници кои плаќаат купон од 1,5 отсто.
Ова е уште еден во низата докази дека побарувачката за долгорочни обврзници во Европа слабее. 20-годишните обврзници на производителот на сокови „Диего“ (Diaego) забележаа најмала побарувачка од сите три транши. Повеќе хартии од вредност издаде и холандската банка ИНГ, а најмала побарувачка има токму за долгорочните обврзници.
Bloomberg
Стратезите на Рабобанк проценуваат дека Австрија ќе собере средства од 4,5 милијарди евра преку петгодишни обврзници. Досега побарувачката е нешто помала и многу пониска од 31,9 милијарди евра што беа собрани на 15-годишната аукција за долгови во мај.
Австриското Министерство за финансии не сакаше да коментира.
Оваа одлука на австриските власти покажува дека побарувачката за најдолгорочните обврзници не закрепна од високата инфлација, но дека не исчезна целосно. Во февруари и јуни државата инкасирала 300 милиони евра преку стогодишни обврзници кои доспеваат во 2120 година.
Минатата недела беше потврден кредитниот рејтинг AA+ „Стандард и пурс“ за долгорочните обврзници на Австрија. Дополнително, агенцијата за рејтинг на кредитен ризик ги подигна изгледите на позитивни од стабилни поради добрата состојба на економијата.
.webp){kind=icon}
