.webp){kind=icon}
Германската економија во третиот квартал порасна помалку отколку што првично беше објавено, што е уште една лоша вест во услови кога земјата се соочува со предвремени избори.
Имено, бруто-домашниот производ (БДП) се зголеми за 0,1 отсто во третото тримесечје (јули, август и септември), што е намалување споредено со првата процена од 0,2 отсто, објави денеска националната агенција за статистика. Падот на извозот го спречи растот што беше поттикнат од трошењето на потрошувачите и државата.
Раст на економијата на Германија на квартално ниво
Bloomberg Mercury
Податоците потврдуваат дека Германија трпи контракција во секој втор квартал од крајот на 2022 година, а „Бундесбанк“ (Bundesbank) предвидува дека економијата само ќе стагнира во тековниот период.
Најновите податоци дополнително ја замаглија најголемата европска економија, заедно со реизборот на Доналд Трамп за претседател на САД и падот на коалициската влада во Берлин на почетокот од месецов. Сето тоа дополнително ја зголемува неизвесноста.
Независниот експертски совет на канцеларот Олаф Шолц минатата недела ги намали своите прогнози. За годинава тие очекуваат намалување на производството, а за 2025 година проценуваат зголемување од само 0,4 проценти.
Постојаната производствена слабост, која е срцевината на проблемите во земјата, неделава се врати на насловните страници, кога синдикатот на „Фолксваген“ (Volkswagen AG) повика на откажување од синдикалното здружување поради затворањето на фабриките и отпуштањето работници планирано за декември. Истовремено, „Форд“ (Ford Motor Co.) ги објави плановите за укинување на работните места во Германија.
Берлин се приближува кон предвремени избори откако Слободните демократи беа исфрлени од трипартиската коалиција. Шолц најверојатно ќе ги предводи социјалдемократите во тоа гласање, откако министерот за одбрана Борис Писториус рече дека нема да се кандидира за раководење со таа партија.
