Канцеларот Олаф Шолц ја обвини Русија дека се обидува да ги уценува Германија и нејзините европски партнери преку сопирање на испораките на гас и ги отфрли како неточни тврдењата за истекување од гасоводот.
„Русија би можела да го испорача тоа ако сака“, изјави Шолц во говорот пред Бундестагот во Берлин. Според него, Гаспром едноставно треба да ја побара турбината која е во Германија и е подготвена за употреба.
„Русија не сака да го направи тоа“, вели Шолц. „Затоа што сака да не уценува нас и нашите европски соседи преку недостигот на гас и преку високите цени, а и да не раздели“.
Германија брзаше да ги наполни складиштата со гас за да се подготви за зимата, но одлуката на Гаспром да не го активира Северен тек по минатонеделното одржување ги зголеми изгледите за штедење гас преку зимата.
„Мораме што побрзо да се осамостоиме од овој недоверлив снабдувач“, вели Шолц. „Тоа е потребно за сигурноста, независноста и суверентитетот на нашата земја“.
Во долгиот говор пред пратениците, германскиот канцелар ветил дека неговата коалиција ќе стори се што може за земјата во пресрет на „зимата со преизвици“, но призна дека ни една Влада не моше да ја „ублажи секоја тешкотија“.
Растечките трошоци за енергија и историски високата инфлација ги погодуваат и домаќинствата и компаниите, а Шолц го повтори ветувањето дека ниту еден граѓанин неда да биде оставен сам на себе.
Владеачката колаиција во текот на викендот договори трет пакет мерки за помош вреден 65 милијарди евра, подигнувајќи ја вкупната сума за близу 100 милијарди.
Новиот пакет вклучува поголеми субвенции за домаќинствата со пониски приходи и готовински исплати за студентите и пензионерите. Владата исто така застана зад настојувањата на Европската Унија за даночење на таканаречената „неочекувана добивка“, затоа што брзата и голема заработувачка кај некои енергетски компании го поттикнува бесот на јавноста.
„Ќе ги земеме тие милијарди долари случајна заработувачка“, вели Шолц. „на овој начин даваме простор помасовно да ги растовариме граѓаните кога се во прашање цените на струјата“.
Германија е во „интензивни разговори“ со партнерите од ЕУ за ограничување на цената на струјата, додаде Шолц.
„Но, подготвени сме прво да дејствуваме на национално ниво затоа што сакаме брзо да им помогнеме на граѓаните“, вели тој.
Говорејќи пред Шолц, Фридрих Мерц, водачот на опозицијата, ја обвини неговата влада за лошо менаџирање на енергетската и безбедносната криза.
„Вашата влада нема компас“, рече Мерц. „Исто така и во економската политика на оваа влада и недостасува способност за политички стратешко размислување“
Шолц возврати со обвинување на критичарите за предизвикување граѓански немири, нарекувајќи го тоа „отров за нашата земја во овој момент“.
„Граѓаните не се наивни“, вели Шолц. „Но, сојузната влада прави се за да се осигура дека граѓаните и компаниите ќе го пребродат ова тешко време“.
.webp){kind=icon}
Во моментов нема коментари за веста. Биди прв да коментира...