Европската унија ќе предложи радикални мерки за да ја намали потрошувачката на струја и ќе ги ограничи цените за да ги намали трошоците кои предизвикуваат шок на стопанството во регионот. Се планира и ограничување на прекумерните добивки на енергетските компании, а тие пари би се користеле за поддршка на потрошувачите, вели претседателката на Европската Комисија, Урсула вон дер Лајен.
Планот предвидува и данок за производителите на струја од фосилни горива.
ЕУ е под се поголем притисок да преземе мерки за зауздување на цените на струјата за да се избегнат социјални немири за време на грејната сезона.
„Соочени сме со астрономски цени на струјата за домаќинствата и бизнисите и со многу нестабилни пазари“, вели Вон дер Лајен. „Затоа ќе предложиме итни мерки кои ќе ги заштитат најранливите категории“.
Според нацрт уредбата до која дојде Блумберг Њус, планираната горна граница за струјата ќе биде поставена на 200 евра за мегават и би се применувала за струја добиена од ветер, сонце, геотермална енергија, хидроенергија, биомаса, гас, биогас, нуклеарен гас, лигнит и сурова нафта од шкрилци.
Планот ќе биде разгледан од министрите за енергетика во петок. Штом ќе добие политичка поддршка од владите, комисијата ќе ги објави сите детали.
ЕУ ќе предложи и две мерки за штедење. Првата ќе бара од владите намалување на потрошувачката на струја за 10 до 15 отсто. Втората ќе значи намалување за дополнителни пет отсто на потрошувачката во дневните, најскапи, тарифи.
Чешкото претседателство ќе се обиде да не ја става на дневен ред точката за ограничување на цената на рускиот гас во петок откако рускиот претседател Путин, оваа идеја ја нарече „уште една глупост“
.webp){kind=icon}
