.webp){kind=icon}
Велика Британија следната недела ќе донесе конкретните мерки како да ги поддржи компаниите, кои се соочуваат со растечки трошоци за енергија, информираа од канцеларијата на премиерката Лиз Трас и додаваат дека ако има потреба мерките ќе стапат во сила од 1 октомври.
„Владата веќе од вчера работи на детали од пакетот мерки и евентуални законски измени доколку се потребни“, изјави Макс Блејн, портпарол на премиерката на редовниот брифинг со новинарите.
Илјадници компании во последните неколку недели се соочуваат со голем раст на трошоците поради високите цени на струјата, бидејќи многу договори кои беа склучени со фиксни цени веќе истекуваат, а тоа влева страв дека ветената поддршка нема да стигне на време.
Прочитај повеќе
Британската економија закрепнува побавно од очекувањата
Дополнителниот неработен ден во јуни причина за побавното закрепнување
12.09.2022
Инфлацијата во Обединетото Кралство се спушти од 40-годишниот максимум
Инфлацијата во август е 9,9 отсто, што е намалување од јулските 10,1 отсто главно поради поевтините горива
14.09.2022
Најлоша зима за британските фабрики во последните 50 години
Податоците покажуваат дека е намалено темпото на производство, а некои фирми затвараат
02.09.2022
Владините планови беа засенети од смртта на кралицата Елизабета Втора минатата недела, бидејќи информацијата за тоа беше објавена неколку часа откако премиерката Трас го презентираше пакетот мерки, со кои што значајно би се ограничила цената на енергијата за потрошувачите во период од две години.
Меѓутоа, Трас даде премалку детали за тоа што нејзината влада планира да прави за компаниите, освен ветувањето дека поддршката во првите шест месеци ќе биде еднаква на интервенцијата кај домаќинствата.
Разговорите меѓу владините претставници и компаниите до сега не содржеа детали за тоа колкава цена ќе одреди Владата за енергијата за фирмите, или за тоа кога ќе стапи во сила.
