Британската влада развива план кој би можел да ги преполови цените на енергијата за многу бизниси за да ги усогласи со она што го плаќаат домаќинствата. Целта на новата администрација со ова е да ја запре економската штета од вртоглавото зголемување на трошоците.
Спасувачката програма ќе ја намали големопродажната цена вклучена во деловните договори за енергија со тоа што ќе ја намали на приближно иста сума што им се наплаќа на домаќинствата, велат анонимни извори.
Тоа е околу 50% попуст за компаниите кои неодамна ги потпишаа своите договори. Ова дел од пакетот за поддршка од 40 милијарди фунти (46 милијарди американски долари) што го комплетираше премиерката Лиз Трас како одговор на енергетската криза што ги зголеми трошоците за работа на фабриките и за одржување на светлата низ продавниците во Обединетото Кралство.
Малите бизниси преземаат драстични чекори за да ги зауздаат трошоците бидејќи некои сметки за енергија се зголемуваат и до 10 пати. Попустот, кој треба да трае шест месеци од октомври и може да се продолжи, нема да биде лесен за спроведување. Конкретната сума ќе зависи од големопродажната цена кога компанијата го потпишала договорот за енергија, а владата ќе објави попусти кои добавувачите мора да ги применуваат кога ќе ги испратат сметките до клиентите, велат изворите.
Потенцијалното намалување на цената нема да се однесува на другите надоместоци што ги наплаќаат брокерите и добавувачите, што ќе овозможи поголема конкуренција на пазарот. Единечните трошоци за домаќинствата утврдени во владиниот пакет објавен на 8 септември се 34 пени за киловатчас за струја и 10 пени за гас.
.webp){kind=icon}
