Пешовска: Млеко ќе има, но прашањето е по која цена?

Нема да се соочиме со млечна криза, млеко ќе има, но прашањето е по која цена, вели Цветанка Стојаноска-Пешовска, директорка на Зружението на производители и преработувачи на млеко и млечни производи „Знак за квалитет“ во разговор за Блумберг Адриа ТВ.

„Во услови кога цената на енергенсите е недефинирана, не можеме да дадеме конкретен одговор во кој правец би се движела цената на млекото и на млечните производи, затоа што цената на млекото се дефинира според производните трошоци“, вели Цветанка Стојаноска-Пешовска, директорка на Зружението на производители и преработувачи на млеко и млечни производи „Знак за квалитет“.

Пешовска вели дека цената на млекото е зголемена за 40 проценти за разлика од лани поради повеќе фактори и смета дека е неизвесен опстанокот на млекарниците.

„Во услови кога се соочуваме со економска криза, не само ние, туку на глобално ниво и со оглед на тоа дека млекарниците се соочуваат со страшни загуби, најмногу поради скапите енергенси, се поставува прашањето колку млекопреработувачите ќе бидат моќни да го издржат овој економски притисок“, вели Цветанка Стојаноска-Пешовска, директорка на Зружението на производители и преработувачи на млеко и млечни производи „Знак за квалитет“.

Во врска со тоа дека сточарите и властите вперија прст кон млекопроизводителите дека ја „пумпаат“ цената, Стојаноска-Пешовска смета дека не е фер да се зборува за такво нешто бидејќи во овој момент не може да стане збор за профитерство, затоа што во последните две години млекарниците бележат огромен пад на профитот.

„Во моментов голем дел од млекарниците се затворени, а остатокот се борат да преживеат со тоа што работат со загуби со надеж дека ситуацијата ќе се стабилизира“, вели Пешовска.

Погледнете го видеото со целиот разговор со директорката на Зружението на производители и преработувачи на млеко и млечни производи „Знак за квалитет“.

Во моментов нема коментари за веста. Биди прв да коментира...

Остави коментар