Градежното друштво „Гранит“ преку Македонската берза информира дека дел од членовите на Управниот одбор и Надзорниот одбор се стекнале со акции од компанијата.
„Страшо Милковски, претседател на Управниот одбор се стекна со 3.550 обични акции, Андреа Серафимовски, член на Управниот одбор се стекна со 2.888 обични акции, Катерина Ѓердовска, член на Управниот одбор се стекна со 2.713 обични акции и Виолета Божиновска, член на Надзорниот одбор се стекна со 2.888 обични акции“, соопшти компанијата.
„Блумберг Адриа“ неодамна објави дека во четири блок-трансакции со вкупна вредност од 35,4 милиони денари или околу 575.000 евра на Македонската берза беа истргувани 24.653 акции од градежната компанија „Гранит“. Акциите се продадоа по цени од 1.360 до 1.490 денари за акција. Исто така, објавивме дека претседателот на Управниот одбор, Страшо Милковски се стекнал со 17.868 акции од компанијата.
Прочитај повеќе
Страшо Милковски купи 17.868 акции од ‚Гранит‘
Акциите се продадоа по цени од 1.360 до 1.490 денари за акција.
26.09.2022
Продадени големи блокови акции од ‚Гранит‘ за 575.000 евра
Во четири блок-трансакции истргувани 24.653 акции од градежната компанија
26.09.2022
Продадени големи блокови акции од ‚Гранит‘ и ‚ТТК Банка‘
Четири милионски блок трансакции на берзата минатата недела
19.09.2022
Според податоците на Централниот депозитар за хартии од вредност, заклучно со 26 септември, годинава, најголеми поединечни акционери во „Гранит“ се Ивана Милковска-Симева со сопственост на 8,84 проценти од вкупниот број акции, Зоран Милковски, кој поседува 8,67 проценти од акциите, ГД „Гранит“ (9,81 проценти) и Отворениот задолжителен пензиски фонд „Сава пензиски фонд“ (7,51 проценти).
.webp){kind=icon}