Потрошувачката на „Онлифанс“ во регионот: Македонија годишно троши 1,6 милиони долари

„Онлифанс“ (OnlyFans) во шесте земји од регионот Адрија има значителен број корисници, кои минатата година на содржини за возрасни потрошиле повеќе од 35 милиони долари, односно 64 милиони конвертибилни марки.

Податоците на „Џуси срч“ (JuicySearch), пребарувач за „Онлифанс“, покажуваат дека корисниците на таа платформа во Хрватска се најголеми потрошувачи меѓу жителите на шесте земји од регионот, додека на содржините што ги пласира споменатата мрежа најмалку трошат жителите на Црна Гора.

Што се однесува до апсолутните износи, во регионот најголема потрошувачка за содржините на „Онлифанс“ е евидентирана во Хрватска, каде што во 2025 година изнесувала 11,6 милиони долари, а потоа во Словенија, каде што потрошувачката изнесувала 10,3 милиони долари.

На третото место според потрошувачката е Србија со 8,9 милиони долари, а потоа Босна и Херцеговина (БиХ) со 2,7 милиони долари (4,84 милиони конвертибилни марки).

Најмалку во регионот на „Онлифанс“ трошат во Северна Македонија, и тоа 1,6 милиони долари годишно, и во Црна Гора, каде што потрошувачката изнесува 700 илјади долари.

 

 

Податоците на „Џуси срч“ (JuicySearch) се однесуваат на периодот од декември 2024 до ноември 2025 година, колку што трае финансиската година на компанијата што управува со „Онлифанс“ (OnlyFans).

 

Македонија и Црна Гора со најмала потрошувачка на „Онлифанс“ во регионот 

Најмалку во регионот на „Онлифанс“ (OnlyFans) трошат во Северна Македонија, 1,6 милиони долари годишно, и во Црна Гора, 700 илјади долари.

Во Северна Македонија исто така е забележан пад на интересот (-23,8 отсто), но и раст на потрошувачката (+10 отсто) во 2025 во однос на 2024 година. Скопје предничи со потрошувачка од 661 илјада долари, а по него следува Битола со 112 илјади долари потрошени на содржините на „Онлифанс“. „Џуси срч“ (JuicySearch) го евидентира и Куманово со годишна потрошувачка од 59 илјади долари.

Што се однесува до Црна Гора, потрошувачката на „Онлифанс“ пораснала за 5,5 отсто, а интересот за пребарување се намалил за 19,5 отсто. Од вкупната потрошувачка во таа земја, на Подгорица отпаѓаат 325 илјади долари.

Раст на потрошувачката меѓу обожавателите на „Онлифанс“ во БиХ, Сараево на врвот 

Обожавателите од БиХ во финансиската 2025 година на „Онлифанс“ (OnlyFans) потрошиле околу 2,7 милиони долари, односно околу 4,84 милиони конвертибилни марки според средниот курс на 15 октомври. Пресметано по денови, од БиХ на платформата се слевале околу 13.280 конвертибилни марки дневно.

„Според вкупната потрошувачка, БиХ е на 66. место од 196 земји што ги следиме и на 31. место од 53 европски земји, меѓу Луксембург и Естонија. Една година претходно потрошувачката беше проценета на 2,2 милиони долари, што значи раст од околу 22 отсто во 2025 година. За финансиската 2026 година Џуси срч предвидува раст од околу 44 отсто“, изјавија за Блумберг Адрија од „Џуси срч“ (JuicySearch).

Порачуваат и дека интересот за пребарување не го следи растот на потрошувачката. Индексот на пребарувања за „Онлифанс“ во БиХ е за околу 14 отсто понизок во претходните 12 месеци во однос на една година претходно.

Што се однесува до износите по градови, на Сараево со околината отпаѓа потрошувачка од околу 592 илјади долари или 1,06 милиони конвертибилни марки. Евидентиран е и раст на потрошувачката во главниот град на БиХ, и тоа за 28,1 отсто во 2025 во однос на 2024 година.

Бања Лука на „Онлифанс“ потрошила околу 242 илјади долари (434.908 конвертибилни марки), со раст од 16,9 отсто во однос на 2024 година.

„Џуси срч“ ја следи и потрошувачката на „Онлифанс“ во Мостар, која во финансиската 2025 година изнесувала околу 105 илјади долари (188.699 конвертибилни марки), со раст од четири отсто.

„При пребарувањата според изгледот, најбарани се русокосите, со 42,2 отсто. Обожавателите од БиХ ретко бараат домашни креатори: само 18,7 отсто од пребарувањата во кои се наведува националноста се однесуваат на креатори од БиХ, наспроти 69,3 отсто во Србија и 50,3 отсто во Хрватска“, истакнаа од „Џуси срч“.

Потрошувачката во регионот, Загреб предводи

Како што е наведено, во регионот најголема потрошувачка за содржините на „Онлифанс“ има во Хрватска, каде што во 2025 година изнесувала 11,6 милиони долари. Иако интересот за „Онлифанс“ во таа земја се намалил за 26,2 отсто, потрошувачката во 2025 година пораснала за 25,5 отсто во однос на 2024 година.

Најголема потрошувачка има во Загреб (5,4 милиони долари), Сплит (624 илјади долари) и Риека (506 илјади долари).

 

 

Што се однесува до втората земја според потрошувачката во регионот, Словенците во 2025 година на содржините на „Онлифанс“ потрошиле 10,3 милиони долари, со раст од 32,6 отсто, иако е забележан пад на интересот за 20,5 отсто. На Љубљана отпаѓаат 3,7 милиони долари, а на Марибор 815 илјади долари.

На третото место според потрошувачката е Србија со 8,9 милиони долари и раст од 13,8 отсто, додека е забележан пад на интересот за 19,7 отсто. Најголема потрошувачка има во Белград (3,6 милиони долари), потоа во Ниш (318 илјади долари) и во Нови Сад (209 илјади долари).

„Џуси срч ги собира наведените податоци од објавените финансиски резултати на компанијата ‘Феникс интернешнл’ (Fenix International), сопственик на ‘Онлифанс’, а потрошувачката ја распределува по земји и градови според податоците за пребарувањата“, објаснуваат од „Џуси срч“.

„Онлифанс“, платформа што им овозможува на креаторите да продаваат содржини директно на своите обожаватели, зема провизија од 20 отсто од секоја трансакција, вклучувајќи видеоматеријали, фотографии и разговори.

Популарноста на страницата нагло порасна за време на пандемијата на ковид-19, особено меѓу сексуалните работници и јавните личности. Иако голем дел од содржините се експлицитни, на платформата се присутни и креатори од други области, како фитнес и кулинарство.