.webp){kind=icon}
Во услови на рекордни стапки на инфлација, поттикнати главно од увезени фактори, Фајнанс Тинк веќе ја ревидираше својата прогноза за годишната стапка на инфлација во нагорна линија.
„Инфлацијата е движена од понудата и доминантно е увезена. Меѓутоа, веќе забележуваме и притисоци кои доаѓаат од домашната компонента“, вели Благица Петрески од Фајнанс Тинк во разговор за Блумберг Адриа ТВ. Според моменталните трендови на движењето на инфлацијата очекува дека годинава ќе заврши со повисока стапка на инфлација од таа која што била првично проектирана.
„Како Фајнанс Тинк веќе извршивме нагорна корекција на стапката на инфлација од 9,7 проценти на 12,3 проценти со доза на неизвесности и нагорни притисоци“, вели Благица Петрески. Според проекциите за инфлација логично е дека очекуваат продолжување на затегнатата монетарна политика од страна на централната банка.
Во разговор за Блумберг Адриа ТВ Благица Петрески зборува и за тоа дека очекуваат дополнителни задолжувања во 2023 година, ги коментира владините антикризни мерки и извештајот од Европската Комисија. Целиот разговорот погледнете го во видеото.
