.webp){kind=icon}
Владата донесе одлука за преземање мерка за финансиска поддршка со засметување на разликата на цената на топлинската енергија на вршителите на енергетските дејности на пазарот на топлинска енергија, за потрошената топлинска енергија од страна на домаќинства, во услови на кризна состојба.
Оваа одлука за новата грејна сезона, како што велат од владината прес-служба, практично значи продолжување на субвенционирањето од страна на Владата во делот на сметките за парно греење на домаќинствата, со цел заштита на граѓаните од повисока цена на топлинска енергија, како што беше случај и досега.
„Мерката за финансиската поддршка е предвидено да се реализира согласно меѓусебните права и обврски утврдени со склучени договори помеѓу Акционерското друштво за производство на електрична енергија ЕСМ, во државна сопственост, Скопје и носителите на лиценца за снабдување со топлинска енергија на подрачјето на градот Скопје. Мерката се однесува на временскиот период од денот на влегувањето во сила на оваа одлука – до истекот на рокот на утврденото постоење на кризна состојба во снабдувањето со топлинска енергија, соопшти Владата.
Во Скопје околу 60 илјади домаќинства се приклучени на системот за централно греење, а грејната сезона трае од 15 октомври до 30 април.
