Набавка на пчеларска опрема, соларна сушница за овошје и зеленчук, машини за преработка, разладна комора, опрема за фарми и за винарии, се само дел од апликациите на жените земјоделки кои денеска ги добија договорите за грант од 6.000 евра.
На повикот се пријавиле вкупно 132 жени, а од нив 70 ги исполниле условите за грант.
Фото: Министерство за земјоделство
Министерот за земјоделство, Љупчо Николовски пред доделувањето на договорите рече дека со средствата од грантот земјоделките ќе можaт да развијат и нови производи, нови брендови, како и нова додадена вредност во домашната економија и во руралните средини.
„Најголем интерес има за набавка на опрема за фарми и винарии, како и за производство на мед, маџун, преработка и сушење на овошје и зеленчук. особено ме радува што меѓу апликациите има и такви што предвидуваат набавка на соларни сушници, нешто што е современо решение со оглед на енергетската криза“, истакна Николовски.
Првиот јавен повик, потсети министерот, беше реализиран минатата година, со потпишани 250 договори за грантови во износ до 3.000 евра, на жени носители на земјоделски стопанства.
Како што рече Николовски, токму успехот на првиот повик и големиот интерес што го покажале жените земјоделки, бил мотив со вториот јавен повик, поддршката да се зголеми двојно, од 3.000 на 6.000 евра.
.webp){kind=icon}
Во моментов нема коментари за веста. Биди прв да коментира...