Индустријата во длабок минус, паѓа и бројот на работници

Во октомври индустриското производство паднало за 5,3 отсто споредено со истиот месец лани, соопшти денеска Државниот завод за статистика.

Големиот пад на производсвото се должи пред се на намалувањето на работата во рударскиот сектор, каде падот за една година изнесува 13,2 отсто. Во тој период не работеа рудниците во Радовиш заради скапата струја. Голем пад од над девет отсто има и во секторот снабдување со електрична енергија, гас, пареа и климатизација.

Во преработувачкатѕа индустрија намалувањето изнесува четири отсто, а  се должи на намаленото производство на прехранбени производи, пијалаци, тутунски производи, хемикалии и хемиски производи, основни фармацевтски производи и фармацевтски препарати....

Како резултат на намалувањето на производството во октомври, се намалил и бројот на работници во индустријата. Предводници по намалувањето на бројот на работници се рударството, текстилно – кожарскиот сектор и производството на мебел и храна.

Во моментов нема коментари за веста. Биди прв да коментира...

Остави коментар