Владата ќе ги објави компаниите кои вештачки ги зголемија цените на основните производи, најави вицепремиерот Фатмир Битиќи.
Според него, се чека најпрво инспекциските служби да утврдат дали порастот на цените е реален, а потоа ќе бидат објавени трговците кои направиле вештачки скок.
Тој останува на ставот дека е направено вештачко зголемување на одредени производи, а како пример посочува тестенина за која маржата на добивка за два дена скокнала од 4 на 72,5 проценти.
„Дека има вртоглаво и вештачко зголемување на цените, кажав и минатата недела. Еве, два примера зошто го тврдев тоа. За само два дена, маржата на добивка кај тестенина од еден производител, пораснала од четири проценти на 31 мај на 72,5 проценти т.е. граѓаните плаќаат 65 проценти повисока маржа на добивка за тестенина од еден производител“, изјави Битиќи.
.webp){kind=icon}
