Македонската компанија за продукција на анимација и на визуелни ефекти ФХ3Х е еден од лидерите во оваа индустрија во регионот на Југоисточна Европа.
Во текот на изминатите 15 години, ФХ3Х има работено на над 200 блокбастер-филмови. Четири филма на кои работеле добиле „оскар“ за визуелни ефекти, а уште многу биле номинирани во оваа категорија.
Во гостувањето на Блумберг Адрија ТВ, главниот извршен директор Миливоје Ѓорѓевиќ вели дека патот на компанијата бил исполнет со многу пречки и предизвици и нагласува дека дури и во моментов нашиот регион се бори да фати чекор со развиените земји во поглед на оваа индустрија.
„Пазарот зависи многу од воспоставените практики и законодавства во државата. Во моментов нашиот регион се бори да фати чекор со развиените земји... Канадскиот систем е најразвиено законодавство во однос на оваа индустрија и затоа има најдобри резултати во последните десет години. Генерално, земјите од регионот каскаат со понеповолни услови во однос на развиените држави. Кај нив државните субвенции се до 40-50 отсто, а во нашиот регион субвенциите за оваа работа се меѓу 20 и 25 отсто и со тоа доаѓаме до една цена да сме речиси и поскапи од канадскиот модел за работа. Иако имаме поевтина работна сила, сепак, финалниот производ е поскап отколку во Канада“, вели Ѓорѓевиќ.
Целиот разговор со него проследете го во видеото во рамките на објавата.
.webp){kind=icon}
Во моментов нема коментари за веста. Биди прв да коментира...