Во Технолошко-индустриската развојна зона во Штип ќе се отвори нова фабрика, инвестиција на компанијата „Магнамехатроникс“, која дизајнира, развива и произведува автомобилски системи, модули и компоненти. Ова е прва инвестиција во државата годинава, од околу 40 милиони евра, а според деловниот план, предвидени се најмалку 600 работни места.
Според премиерот Димитар Ковачевски, трендот сè повеќе странски компании да отвораат свои фабрики во земјава е од голема помош и тоа ќе донесе економски раст и напредок и раст на платите и пензиите, а сето тоа позитивно ќе се одрази на квалитетот на животот на граѓаните.
„Компанија што дизајнира, развива и произведува автомобилски системи, модули и компоненти што им се испорачуваат на сите најзначајни производители на автомобили во светот оствари стабилен раст на европскиот пазар и се појави потреба од нова фабрика на една од деветте групации. Спроведеното истражување на потенцијални локации за отворање нова фабрика во Европа опфати повеќе држави, но компанијата одлучи за инвестирање и отворање фабрика да ја избере Северна Македонија, на понудената локација во Технолошко-индустриската развоја зона во Штип“, рече Ковачевски на денешната прес-конференција и додаде дека производството се планира да започне годинава, а сериското производство ќе започне во првата половина од 2024 година.
Директорот на Дирекцијата за Технолошки-индустриски развојни зони, Јован Деспотовски, денеска соопшти дека во завршна фаза на разговори се повеќе крупни инвестициски проекти, за кои ќе биде информирано во текот на следните недели.
Според деловниот план, инвестицијата во ТИРЗ Штип предвидува најмалку 600 работни места, а Деспотовски очекува бројката да биде поголема.
Како што рече, локацијата во Штип е избрана за да се поттикне поумерен регионален развој, бидејќи, како што напомена, бенефициите од странските инвестиции не се исклучива привилегија на граѓаните на главниот град, туку треба да бидат достапни за сите.
.webp){kind=icon}
Во моментов нема коментари за веста. Биди прв да коментира...