Од ноќеска на полноќ дизелот ќе се продава по цена од рекордни 104.5 денари за литар. Регулаторната комисија за енергетика (РКЕ) денеска повоторно ја смени цената на горивата затоа што биле иссполнети сите услови за тоа. Во текот на оваа седмица, само вчера немаше поскапување на цените на нафтените деривати.
Според одлуката на РКЕ горивата од ноќеска на полноќ поскапуваат за 1.09 отсто. Со тоа, новата малопродажна цена на дизелот се зголемува од сегашните 102 на 104.5 денари за литар. Еуросупер 95 и понатаму ќе се продава за 110, а Еуросупер 98 за 112 денари за литар.
Како причина за новите цени на нафтените деривати од РКЕ ги посочуваат зголемените референтни цени на нафтените деривати на светскиот пазар кај бензините во просек за 0,8 отсто и кај дизелот за 3,797 отсто, како и за 0,056 отсто повисокиот курс на доларот во однос на денарот.
За прв пат во Македонија горивата имаат троцифрени цени
Цената на нафтените деривати во земјава драстично почна да расте минатата недела. Имено, на 01. 06 заврши важноста на антикризните мерки на Владата кои беа усвоени кон крајот на март. Со тие мерки данокот на додадена вредност за горивата панда од 18 на 10 отсто.
По нивното завршување, цената се менува секој ден, освен вчера. Дента кога престана важноста на мерките горивата поскапеа за девет и 9.50 денари по литар. Тогаш, безнините почнаа да се продаваат по троцифрени цени, сега веќе и дизелот.
Од 01 јуни досега бензините се поскапи заа 15 денари за литар, а дизелот за 18,5 денари. Бензин БС 95 на 01 јуни чинеше 95 денари за литар, а БС 98 се продаваше за 97 денари. Денеска тие чинат 110 и 112 денари по литар соодветно. Дизелот на први овој месец чинеше 86 денари за литар, од утре ќе се точи за 104,5 денари.
Растот на цената на дериватите главен фактор за растот на инфлацијата
Горивата троцифрени, инфлацијата двоцифрена. Од осамостојувањето во1991 година земјава немала олку висока инфлација. Според Државниот завод за статистика, во мај инфлацијата достигна 11,9%, главен двигател на растот на трошоците на живот е токму цената на енергенсите.
Конкретно, во мај споредено со мај лани горивата поскапеле за 44,3 отсто, а за еден месец или споредно со април годинава за 5.8 оотсто. Трендот допрва почнува затоа што последните рекордни цени ќе влезат во статистиката за месец јуни.
.webp){kind=icon}
