.webp){kind=icon}
Заради брзиот раст на цените на енергенсите како и прекинот во синџирите за снабдување, инфлацијата во Германија годинава ќе надмине седум проценти, а во 2023 ќе биде двојно поголема од очекувањата, соопшти Центрлната банка на Германија.
Стапката на инфлација во Германија годинава ќе изнесува 7, отсто, а не 3,6 како што беше прогнозирано лани, пишува во извештајот на централната банка.
Во 2023 цените ќе се зголемаат за 4,5 отсто , исто така двојно посилно од тоа што Бундесбанката прогнозираше кон крајот на минатата година.
„Инфлацијата годинава ќе биде поголема во споредба со почетокот на 1980 – тите“, рече претседателот на Бундесбанката, Joachim Nagel.
Силниот ценовен притисок во прв ред произлегува од наглиот раст на цените на енергенсите и храната, но ако тие се исклучат, стапката на инфлација би била многу под просекот и би изнесувала 3,6 отсто.
„Ценовните притисоци се се посилни во последно време и тоа не е во целост прикажано во актуелните проекции“, предупредува Nagel.
„Ако прогнозите ги изведуваме од овој тренд, просечната годишна стапка на инфлациа за оваа година би можела да биде многу над седум отсто“, додава тој.
Германското стопанство годинава ќе порасне двојно помалку во споредба со очекувањата на Бундесбанката од декември, за само 1,9 отсто. Декемвриската проценка сугерираше раст на активноста од 4,2 отсто. Сега се намалени и прогнозите за 2023, од 3,2 на 2,4 отсто.
„Основното сценарио на прогнозите се темели на претпоставката дека војната и нејзните последици нема дополнително да се интензивираат“, предупредува Бундесбанката. Ако војната се интензивира и ако Германија остане без руските енергенси, дали заради европските санкции или затоа што Русија ќе ја сопре испораката, инфлацијата би можела да биде и поголема, а стопанството може да тргне во негативна насока“, велат од банката.
Економската активност во тој случај би се намалила за три отсто во 2023, а инфлацијата би изнесувала околу шест отсто, пресмета Централната банка на Германија.
