.webp){kind=icon}
Каква е конкурентноста на Македонија и земјите во регионот Адрија во однос на земјите од Централна и Југоисточна Европа е регионалната анализа подготвена од аналитичкиот тим на „Блумберг Адрија“ со која в понеделник ќе ја почнеме следната работна недела, која ќе биде исполнета со богат избор на содржини. Истиот ден откриваме како се справуваат со конкуренцијата големите македонски компании и каков е нивниот став кон владините политики за помош на деловниот сектор во услови на криза, а со оглед на тоа што најголем дел од нив не доби никаква поддршка од државата.
Во текот на неделата нашите аналитичари ќе анализираат како работеа во минатата година реномирани компании од земјава и од регионот, како „Македонски телеком“, ИНА, „Ериксон“ и АД „Пластик“...
Прашуваме какви се трендовите на пазарот на трудот кога станува збор за преквалификација на работниците и какви се резултатите во однос на намалувањето на невработеноста и подобрувањето на стандардот на преквалификуваните кадри.
В среда ќе можете да прочитате како стои Македонија во интернет-трговијата во однос на земјите од регионот, во анализата што ја подготви аналитичкиот тим на „Блумберг Адрија“.
Ќе дознаете кои се причините за драстичното зголемување на цената на кафето, кое полека станува луксуз за голем број македонски граѓани.
Следната недела доаѓа и новото издание на „Бизнисвик“, во кое главната приказна е за компаниите од земјава и регионот што успеале да опстојат над сто години, а во него ќе можете да прочитате и дали доаѓа време на оданочување на роботите, како влијае врз српската економија масовното доселување на руски државјани, како и многу други актуелни теми.
