Какви се најновите трендови во индустријата за мебел во земјите од регионот Адрија ќе можете да прочитате в понеделник во анализата што на оваа тема ја подготви нашиот аналитички тим. Истиот ден ќе дознаете дали се наѕира ценовна војна на пазарот на електрични автомобили, откако „Тесла“ во два наврата годинава ги намали цените на своите модели.
Во текот на неделата ќе анализираме какви ќе бидат условите за сеидба на пченица во Украина, со оглед на тоа што станува збор за еден од најголемите производители на житни култури, а нема знаци за замирање на воените дејства. Искуствата покажаа дека војната може да предизвика проблеми во нормалното снабдување со житни култури и покачување на цените на основните прехранбени производи на светските берзи и во малопродажбата. Во таа насока, ќе се потсетиме дека само до пред неколку месеци моравме да се снаоѓаме за увоз на одредени прехранбени производи за да не се јави хроничен недостиг на пазарот.
Ќе истражиме какви се условите за добивање визи за дигиталните номади и што може да се направи за да се привлечат повеќе странци да работат од Македонија. По најновите стресови на пазарите на капитал, ќе анализираме како се движи цената на златото, но и какви се влијанијата врз работењето на инвестициските фондови.
За крајот на неделата ќе анализираме колку консултанти и консултантски фирми има во Македонија, во кои дејности се вклучени и колку „тежи“ овој бизнис во земјава.
.webp){kind=icon}
Во моментов нема коментари за веста. Биди прв да коментира...