Парафискалните давачки се уште се релативно голем товар за компаниите во земјава и тоа по повеќе основи, вели во интервју за Старт на Блумберг Адрија ТВ, Благица Петрески од Фајнанс Тинк (Finance Think). Според неа се поголем станува не само финансискиот туку и административниот товар за компаниите. Додава дека процесот на оптимизација на парафискалните давачки е штотуку започнат и дека очекува во следниот период да биде интензивиран. Покрај намалување и кратење на давачките, според неа, треба да се размислува и за други форми на оптимизација, како што е дигитализација на поднесоците, но и повеќенемско користење средствата за кои граѓаните и компаниите уплатиле, со што ќе имаат чувство дека добиваат подобра и поголема услуга.
Различни давачки имаат различно влијание кај компаниите од аспект на нивната големина, па во некој случај тоа повеќе го чувствуваат микро компаниите, додека кај давачките кои се креираат во зависност од големината, товарот може да е значајно поголем кај поголемите компании.
„Фирмарината како една од најпопуларните и најпознати парафискални давачки е кон локалната власт и ја плаќаат сите фирми. Оттаму чувството дека е најголема и најзначајна, но не е така. Парафискалните давачки кај локалната власт по број се умерени и се од 8 до 15 во просек, во споредба со оние кон централната власт каде бројката е значајно поголема. Во 2022 година оваа бројка е 550 кон правни и давачки кои се однесуваат кон правни и физички лица и тука спаѓаат сите лиценци и елаборати, сертификати, различни дозволи кои ги бара централната власт, во споредба од оние кон локалната власт каде се доминантно комунални давачки, вели Петрески.
Целиот разговор можете да го погледнете во видеото
.webp){kind=icon}
