Во февруари прометот со храна во малопродажба повторно реално се намали. Според статистика, номиналниот раст на прометот во трговијата на мало минатиот месец изнесувал над 15 отсто, но реално тој е помал за 3,7 отсто споредено со истиот месец во 2022 година. Ова е нов пад на прометот по јануари кога и реално беше забележан раст.
Јануарскиот раст на прометот со храна, пијалоци и тутун во трговијата на мало номинално изнесуваше над 25 отсто. Релано порасна за 4,4 отсто. Но, ова беше прв реален раст на прометот по 10 месеци.
Инфлацијата и високите цени се причина прометот во трговијата да расте, иако реално купуваме се помалку.
Земјава има највисоки стапки на инфлација во регионот, а во обид да ги намали цените Владата во последниот месец почна да ги замрзнува цените на основните прехранбени производи. Најпрво беше замрзната цената на лебот (бел и полубел) на 33 денари. Потоа ги замрзна цените на тестенините и млекото, а последната одлука се однесува на цената на хигиенските производи. За замрзнување на цените на овошјето и зеленчукот, Владата се уште прави анализи.
.webp){kind=icon}
Во моментов нема коментари за веста. Биди прв да коментира...