Зголемените плати на функционерите влијаеја за зголемување на просечната плата во државата. Според денешните податоци на државната статистика, просечната нето-плата во април изнесувала 36.134 денари и во однос на истиот месец лани е зголемена за 14,6 отсто.
Најголем раст на платите во април, на годишно ниво, има во секторот финансиски дејности и дејности на осигурување, од 28,1 отсто. Потоа следува зголемувањето токму кај функционерите, или административните и помошни услужни дејности во април во просек добиле за 21,7 отсто поголеми плати. Следни се вработените во објектите за сместување и сервисни дејности со храна, каде што има раст на просечната плата за 17,8 отсто.
Во однос на март годинава, просечната месечна исплатена нето-плата по вработен најголем раст бележи во секторите: финансиски дејности и дејности на осигурување (14,7 отсто), снабдување со електрична енергија, гас, пареа и климатизација (13,2 отсто) и административни и помошни услужни дејности (12,5 отсто).
Прочитај повеќе
Хаос со платите во јавниот сектор – се пресметуваат според 200 системи
Немаме регулиран и стабилен систем на плати во јавниот сектор.
16.05.2023
Можно е цела Македонија да остане без плата
Овој исход е можно да биде реален поради најавата за генерален штрајк на вработените во Управата за јавни приходи.
20.06.2023
Деановски: Новиот закон за плати е неуставен
Синдикалците ќе бараат средби со Владата, но не ја исклучуваат и можноста за штрајкови или протести.
11.01.2023
Синдикатот обвинува дека Владата одоговлекува со преговорите
Серија штрајкови ја тресат железницата во Велика Британија
04.01.2023
Функционерските плати се зголемија со одлука на Уставниот суд, кој ја укина одредбата за замрзнување на платите од 2012 година. На годишно ниво зголемените плати на државните функционери ќе го чинат буџетот 960 милиони денари, или над 15,5 милиони евра.
Иако втор месец по ред овие 1.060 функционери земаат за 78 отсто повисоки плати, ретко кој кажа колку точно повеќе пари добил на сметка.
Еден од нив е министерот за финансии Фатмир Бесими. Тој во април добил за околу 55.000 денари или близу 900 евра повисока плата споредено со март. Неговата мартовска плата изнесувала 71.145 денари, а во април на сметката му легнале 125.960 денари. Покачување од 93.000 на 165.000 денари доби претседателот Стево Пендаровски. Министерот за внатрешни работи Оливер Спасовски во март имал плата од 86.000 денари, а во април 153.000 денари.
На веб-страницата на Владата до денеска не се објавени новите плати на државните функционери.
Поради високата инфлација, за четири месеци од оваа година, во согласност со државата статистика, просечната нето-плата бележи реален пад од 1,7 отсто.
Текстот е ажуриран од четвртиот параграф
.webp){kind=icon}
Во моментов нема коментари за веста. Биди прв да коментира...