Просечната месечна исплатена нето-плата по вработен во септември годинава изнесува 37.876 денари и во однос на септември лани е зголемена за 16,4 проценти, објави денеска Државниот завод за статистика.
Зголемувањето, според податоците, се должи пред сѐ на зголемувањето на просечната месечна исплатена нето-плата по вработен во секторите снабдување со електрична енергија, гас, пареа и климатизација 25,5 отсто, задолжително социјално осигурување 24,8 отсто, снабдување со вода, отстранување отпадни води, управување со отпад и дејности за санација на околината 20,5 отсто.
Зголемување на просечната месечна исплатена нето-плата по вработен во однос на претходниот месец е забележано во секторите снабдување со електрична енергија, гас, пареа и климатизација 11,8 отсто, образование 10,9 отсто, јавна управа и одбрана и задолжително социјално осигурување 9,1 отсто.
Просечната месечна исплатена бруто-плата, пак, во септември 2023 година изнесувала 56.896 денари.
.webp){kind=icon}
Во моментов нема коментари за веста. Биди прв да коментира...