Министерството за финансии на аукција закажана на 23 јануари годинава ќе понуди едногодишни државни записи во износ од 1,3 милијарди денари (околу 21 милион евра). Станува збор за тендер со ограничен износ и каматна стапка од 4,10 проценти. Датумот на достасување е 22 јануари 2025 година.
Ова ќе биде трета аукција на државни харти од вредност од почетокот на 2024 година. „Блумберг Адрија“ веќе пишуваше дека преку две аукции на државни хартии од вредност Владата на 9 јануари годинава се задолжи за вкупен износ од 3,4 милијарди денари (56,6 милиони евра). На првата аукција се реализира вкупната понуда на 15-годишни државни обврзници на износ од околу милијарда денари (17,4 милиони евра) со каматна стапка од шест проценти. Банките станаа сопственици на 55,95 проценти од издадените обврзници, а во останатиот дел од 44,05 проценти инвестираа други клиенти.
На втората аукција беа реализирани едногодишни државни записи на износ од 2,4 милијарди денари (39,2 милиони евра) со каматна стапка од 4,10 проценти. Во сопственичката структура банките учествуваа 61,46 проценти, а другите клиенти со 38,54 проценти.
Прочитај повеќе
Владата на аукција ќе бара заем од 72 милиони евра
Износот на државни хартии од вредност што достасува за исплата во декември годинава изнесува 13,9 милијарди денари или околу 226,5 милиони евра.
07.12.2023
МФ: Издадена новa емисија обврзници за денационализација
Номиналната вредност и каматата на имателите на обврзници се исплаќа во период од 10 години
27.11.2023
Владата ќе се задолжи 24,3 милиони евра преку аукција на записи
Износот на државни хартии од вредност што достасува за наплата во ноември годинава изнесува 6,2 милијарди денари или околу 101 милиони евра.
22.11.2023
Забележително е дека и кај двата вида државни хартии од вредност имаше благо намалување на каматите по кои се задолжува државата, што веројатно се должи на паузата во затегнувањето на монетарната политика, што поволно влијае врз пазарите на капитал.
.webp){kind=icon}
