Во вториот квартал на 2022 година има нето-заострување на условите за одобрување корпоративни кредити кај македонските банки, посилно отколку во првото тримесечје од годината, покажува новата анкета за кредитна активност на Народната банка. Сепак, и понатаму најголемиот процент од банките (околу 84 проценти) укажуваат на непроменети кредитни услови.
„Нето-заострувањето на условите за кредитирање на претпријатијата во вториот квартал е во согласност со очекувањата на банките дадени во претходната анкета, но е посилно во споредба со очекувањата дадени за минимално нетозаострување на условите. За третиот квартал од 2022 година, банките очекуваат натамошно нето-заострување на кредитните услови за одобрување корпоративни кредити“, соопшти Народната банка.
Анализирано од аспект на поединечните услови за кредитирање на претпријатијата, во вториот квартал на годината банките укажуваат дека каматната стапка и барањата за обезбедување предизвикуваат нето-заострување на кредитните услови, но посилно кај првиот услов во споредба со претходната анкета. Достасувањето на заемите придонесува за непроменетост на условите за кредитирање, за разлика од нето-олеснувањето во претходната анкета, додека влијанието на факторите некаматни приходи и големина на заемот или на кредитната линија не забележа позначителни промени во споредба со претходната анкета.
Прочитај повеќе
Забавува станбеното кредитирање
Во јуни, вкупните кредити на домаќинствата на месечно ниво се зголемија за 1 процент
21.07.2022
Народна банка ја истражува потребата од воведување дигитален денар
Сѐ поголем е бројот на централни банки кои го истражуваат прашањето за дигиталните валути
14.07.2022
Анкета на Народна банка: Инфлацијата ќе расте, БДП ќе паѓа
Нагорна ревизија на очекувањата за просечната стапка на инфлација и мала надолна ревизија во однос на очекуваниот раст на БДП
08.07.2022
НБМ: Нема прегревање, ако треба ќе има мерки
Доколку следењето на трендовите и анализите покажат дека е потребно, ќе бидат преземени и други поцелни макропруденти мерки
05.07.2022
Од аспект на влијанието на монетарната политика врз условите за кредитирање на корпоративниот сектор во вториот квартал од годината, околу 75 проценти од банките укажуваат дека промените на монетарната политика влијаеле незначително врз нивната каматна политика (околу 82 проценти во претходниот квартал), додека околу 23 проценти од банките укажуваат дека промените во монетарната политика влијаеле делумно врз нивната каматна политика (3 проценти во претходниот квартал). Процентот на банките коишто укажуваат дека промените во монетарната политика не влијаеле врз нивната каматна политика е 1,4% (околу 15 проценти во претходниот квартал).
Во вториот квартал на 2022 година, анкетата укажува на нето-зголемување на вкупната побарувачка на корпоративни кредити, којашто е многу посилна во однос на претходната анкета. За третото тримесечје од 2022 година, банките очекуваат мало нето-зголемување на кредитната побарувачка од страна на претпријатијата
Во текот на второто тримесечје на 2022 година, банките укажуваат на натамошно нето-олеснување на вкупните кредитни услови кај домаќинствата, поумерено во споредба претходната анкета. Нето-олеснувањето на кредитните услови во вториот квартал е во рамките на очекувањата на банките дадени во претходната анкета. За третиот квартал од 2022 година, банките очекуваат изразено нето-заострување на кредитните услови кај кредитите на домаќинствата.
Анализирано од аспект на поединечните кредитни услови, кај каматната стапка на станбените кредити се забележува поумерено нето-олеснување, додека кај потрошувачките кредити банките укажуваат на нето-заострување, во однос на претходната анкета. Провизиите (кај станбените кредити) и натаму се нето-олеснети, но поумерено во споредба со претходната анкета, додека кај некаматните приходи (кај потрошувачките кредити) има мало нето-олеснување, за разлика од нето-заострувањето во претходната анкета.
„Обврските за обезбедување и достасувањето на заемите кај двата вида кредити на домаќинствата забележуваат мало нето-олеснување, исто како и во претходниот период. Кај покриеноста на кредитот со обезбедување во рамките на станбените кредити е забележано мало нето-олеснување, слично како и во претходната анкета“, соопштија од Народна банка.
Во однос на факторите коишто предизвикуваат промена на условите за одобрување кредити на домаќинства, конкуренцијата од другите банки и натаму е главниот фактор којшто придонесува за нето-олеснување на кредитните услови кај станбените и потрошувачките кредити, но поумерено во споредба со претходната анкета.
.webp){kind=icon}
