Според проценетите податоци на Државниот завод за статистика, стапката на раст на бруто-домашниот производ (БДП) во првото тримесечје од 2024 година е 1,2 проценти.
Во овој период поголем пораст од 19,6 проценти е забележан во секторите уметност, забава и рекреација, други услужни дејности, дејности на домаќинствата како работодавачи, како и кај дејностите на домаќинствата кои произведуваат разновидна стока и вршат различни услуги за сопствени потреби. Раст од 7,5 проценти имало кај секторите стручни, научни и технички дејности и кај административните и помошните услужни дејности. Во секторите трговија на големо и трговија на мало, поправка на моторни возила и мотоцикли, транспорт и складирање, објекти за сместување и сервисни дејности со храна е забележан раст од 6,9 проценти.
„Финалната потрошувачка на домаќинствата вклучувајќи ги непрофитните институции кои им служат на домаќинствата, во првото тримесечје од 2024 година номинално расте за 4,8 проценти, а нејзиното учество во структурата на бруто-домашниот производ изнесува 72 проценти“, информираат од ДЗС.
Во истиот период, извозот на стоки и на услуги номинално е намален за шест проценти, а увозот на стоки и на услуги забележа зголемување во номинален износ од 0,5 проценти.
„Бруто-инвестициите во првото тримесечје од 2024 година бележат зголемување во делот на основни средства ( во машините и опремата и во транспортната опрема) и кај промената на залихите“, информираат од ДЗС.
.webp){kind=icon}
