Просечната месечна исплатена нето-плата по вработен во април 2024 година изнесува 41.085 денари, што е зголемување во однос на претходниот месец, кога изнесуваше 40.496 денари. Според податоците на Државниот завод за статистика, просечната месечна исплатена нето-плата по вработен во април 2024 година во однос на април 2023 година е зголемена за 13,7 проценти.
Зголемувањето, според податоците, се должи пред сè на зголемувањето на просечната месечна исплатена нето-плата по вработен во секторите: образование 21,8 отсто, земјоделство, шумарство и рибарство 18,6 отсто, информации и комуникации 18 отсто, информираат од Државниот завод за статистика.
Зголемување на просечната месечна исплатена нето-плата по вработен во април во однос на претходниот месец е забележано во секторите земјоделство, шумарство и рибарство 6,3 отсто, информации и комуникации 5,7 отсто и транспорт и складирање 4,9 отсто.
Просечната месечна исплатена бруто-плата, пак, во април 2024 година изнесувала 61.703 денари.
.webp){kind=icon}
Во моментов нема коментари за веста. Биди прв да коментира...