Трошоците на животот во јуни 2024 година во однос на јуни 2023 година бележат зголемување од 3,2, а цените на мало бележат зголемување од 4,1 проценти, соопшти Државниот завод за статистика (ДЗС).
На месечно ниво, трошоците за живот се намалиле, односно индексот на трошоците на животот во јуни 2024 година, во однос на мај 2024 година, бележи намалување од 0,3 проценти.
Намалувањето на инфлацијата во јуни 2024 година, во однос на мај 2024 година, е резултат на намалувањето на трошоците на животот во следните групи: транспорт за 4,2 отсто, комуникации за 0,4 отсто, храна и безалкохолни пијалаци за 0,3 отсто.
Зголемување на трошоците на животот е забележано кај рестораните и хотелите за 0,7 отсто, здравјето за 1,2 отсто, разновидните стоки и услуги за 0,9 отсто, рекреацијата и културата за 0,5 отсто, домувањето, водата, електриката, гасот и другите горива за 0,3 отсто, мебелот, покуќнината и одржувањето на домаќинствата за 0,2 отсто, облеката и обувките за 0,1 отсто.
Трошоците на животот во групите алкохолни пијалаци, тутун и наркотици и образование остануваат на истото ниво како и во претходниот месец.
.webp){kind=icon}
