Гувернерката Анита Ангеловска-Бежоска учествуваше на меѓународната конференција „Повторно поврзување на глобалната економија“ организирана од Комитетот за преобразување на Бретон Вудс и Централната банка на Перу, којашто се одржа во Куско. Таа укажа дека геоекономската фрагментација претставува ризик за глобалната економија, но и дека земјите од ЕУ и Западен Балкан може да имаат придобивки од меѓусебната соработка.
„Иако сè уште не се согледуваат негативни ефекти врз регионот на Западен Балкан, нема сомнение дека геополитичките ризици се на историски високо ниво и можат да доведат до намалување на трговијата и финансиските приливи. Земјите од Западен Балкан, како мали и отворени економии, можат да ги ублажат ефектите од неповолните геополитички состојби на повеќе начини“, рече Ангеловска-Бежоска.
Според неа, во услови кога меѓународните корпорации ја преоценуваат географската локација на своите производствени капацитетите, обидувајќи се да ги намалат оперативните ризици во работењето, регионот на Западен Балкан може да биде привлечен за преместување на европските бизниси.
Прочитај повеќе
![Ангеловска-Бежоска: Да се зголеми уделот на приватниот сектор во зеленото финансирање](/data/images/2024-07-16/65774_2_kf.jpg)
Ангеловска-Бежоска: Да се зголеми уделот на приватниот сектор во зеленото финансирање
Ова го порача гувернерката на Народната банка во својата дискусија на Годишниот состанок на Холандско-белгиската конституенца на ММФ и Светската банка.
16.07.2024
![Светска банка го поздрави поднесувањето на барањето за пристапување во СЕПА](/data/images/2024-07-11/65484_depositphotos-48246375-s_kf.jpg)
Светска банка го поздрави поднесувањето на барањето за пристапување во СЕПА
Барањето за пристапување во СЕПА е значаен чекор на патот на земјата кон Европската Унија
14.07.2024
![Ангеловска-Бежоска: Извештајот на ММФ покажува висока транспарентност на Народната банка](/data/images/2024-03-28/57495_guvernerka_kf.jpg)
Ангеловска-Бежоска: Извештајот на ММФ покажува висока транспарентност на Народната банка
Централно место во оваа област зазема и финансиската едукација на јавноста, за што е формирана посебна дирекција.
20.06.2024
![Народната банка стана дел од Алијансата за финансиска вклученост](/data/images/2024-02-29/54990_nb_kf.png)
Народната банка стана дел од Алијансата за финансиска вклученост
Ипокрај видливите подобрувања во однос на финансиската вклученост во Македонија, сѐ уште постои јаз во споредба со развиените економии.
11.05.2024
![Ангеловска-Бежоска: Оцената на ММФ е дека НБРМ е добар пример за транспарентност](/data/images/2023-12-20/49974_nb_kf.png)
Ангеловска-Бежоска: Оцената на ММФ е дека НБРМ е добар пример за транспарентност
Од 2021 година транспарентноста и отчетот кон јавноста се издвоени
28.04.2024
„Преселувањето на странските производствени капацитети од ЕУ во нашиот регион ќе донесе повисоки странски директни инвестиции, поголема трговска размена, како и пренесување искуства, знаења и напредни технологии. Предностите на земјите од регионот се нивната географска близина до ЕУ, кандидатскиот статус на дел од земјите, пониските трошоци по единица производ и високо квалификуваната работна сила. Сепак, за да се искористат овие можности, треба да се направат структурни реформи, со цел земјите од регионот да станат попривлечни за странските инвеститори“, истакна Ангеловска-Бежоска.
Таа додаде дека преселувањето на производствените капацитети, дури и во мал обем, може да има значително влијание врз економскиот раст, којшто според студијата од Меѓународниот монетарен фонд (ММФ) за земјите од Западен Балкан би се зголемил меѓу 3 и 10 проценти од БДП.
„Интеграцијата на земјите од Западен Балкан во глобалната економија во изминатите две децении е значително зголемена. Трговската размена бележи раст од 25 п.п. од БДП, додека финансиската интеграција бележи раст од 70 п.п. од БДП, а ова претставуваше главната движечка сила на доходната конвергенција на регионот“, посочи гувернерката Ангеловска-Бежоска којашто истакна дека е од исклучително значење да се продолжи со интеграцијата, зашто за малите економии таа е предуслов за повисок раст на доходот.