.webp){kind=icon}
Просечната месечна исплатена нето-плата по вработен во мај 2024 година изнесува 41.252 денара, што е зголемување во однос на претходниот месец, кога изнесуваше 41.085 денари. Според податоците на Државниот завод за статистика, просечната месечна исплатена нето-плата по вработен во мај 2024 година во однос на мај 2023 година е зголемена за 13,1 отсто.
Зголемувањето, според податоците, се должи пред сè на зголемувањето на просечната месечна исплатена нето-плата по вработен во секторите: образование за 18,6 отсто уметност, забава и рекреација 19 проценти, јавна управа и одбрана, задолжително социјално осигурување за 16,3 отсто, информираат од Државниот завод за статистика.
Зголемување на просечната месечна исплатена нето-плата по вработен во мај во однос на претходниот месец е забележано во секторите рударство и вадење камен за 5,7 отсто, објекти за сместување и сервисни дејности со храна за 4,4 отсто и гас, пареа и климатизација за 4,3 отсто.
Просечната месечна исплатена бруто-плата, пак, во мај 2024 година изнесувала 62.032 денара.
