.webp){kind=icon}
Управата за јавни приходи (УЈП) соопшти дека се во тек интензивни подготовки за имплементација на проектот е-фактура. Вчера во просториите на УЈП се одржа состанок со претставници од неколку ИТ-компании што развиваат софтвери за поддршка на работењето на домашните фирми во делот на подготвување фактури.
На состанокот се дискутираше за нивните перцепции и прашања во врска со импликациите што ќе произлезат од приспособувањето на софтверите кај домашните фирми поради воведувањето е-фактура.
„ИТ-компаниите ја препознаваат е-фактурата не само како алатка за намалување на даночната евазија туку и како алатка што ќе има додадена вредност за фирмите. Нема хартија, нема тонери, нема вреќи со фактури по пошта, нема носење фактури на сметководители. Наедно, подготвени се активно да соработуваат со УЈП, да ги споделат своите искуства, да дадат придонес во тестирањето итн.“, се наведува во соопштението од УЈП.
Управата за јавни приходи планира системот е-фактура да го развива и тестира во 2025 година.
