Ќе издавате стан за Нова година? Пријавете данок

Лицата што ќе издаваат станови, вили, викендички, апартмани или соби за краток престој, особено за време на претстојните празници, мора да пријават во Управата за јавни приходи.

УЈП денеска потсети дека лицата што издаваат недвижен имот за краток престој (не подолг од 31 ден) имаат обврска да го пријават остварениот доход преку системот „е-Даночни услуги“.  Ова се однесува и на издавање преку платформи како Ербиенби, Букинг, Фејсбук, Кајак и други.

„Основа за пресметување на данокот претставува бруто-доходот што  се остварува намален за износот на следниве нормирани трошоци: 10 отсто од износот на доходот за неопремен простор и 15 отсто од износот на доходот за опремен простор“, соопшти УЈП.

Пријавувањето доход од издавање недвижен имот се врши задолжително до 10-ти во месецот што следува по месецот на издавање. Пријавата заедно со соодветни докази се поднесува електронски (е-ППД) преку системот „е-Даночни услуги“.

Во моментов нема коментари за веста. Биди прв да коментира...

Остави коментар