Над 9.500 слободни работни места во Македонија, најмногу за стручњаци и научници

Според податоците на Државниот завод за статистика, во четвртото тримесечје од 2024 година во Македонија имало 9.562 слободни работни места, а стапката на слободни работни места изнесувала 1,93 проценти.

Највисока стапка на слободни работни места од 3,47 проценти имало во секторот „објекти за сместување и сервисни дејности со храна“, додека најмала стапка од 0,13 проценти имало во секторот „јавна управа и одбрана и задолжително социјално осигурување“.

Деловните субјекти со број на вработени од 10 до 49 имале највисока стапка на слободни работни места, која изнесувала 2,69 проценти, а Пелагонискиот регион имал највисока стапка на слободни работни места, која изнесувала 2,72 проценти.

Најголем број на слободни работни места, односно 2.149 во овој период имало во втората група занимања – „стручњаци и научници“.

Во моментов нема коментари за веста. Биди прв да коментира...

Остави коментар