Без лиценци за работа ќе останат 13 угостителски објекти кај кои при вчерашните контроли Државниот пазарен инспекторат констатирал дека не исполнуваат минимум технички услови за работа. Овие правни лица ќе добијат забрана за вршење на дејноста, информираше денеска портпаролката на Владата, Марија Митева.
„Во текот на вчерашниот ден од страна на Државниот пазарен инспекторат од извршени вкупно 82 контроли по Законот за угостителска дејност и состојбата е следната: од 23 со лиценца констатирано е дека 13 не исполнуваат минимум технички услови, за пет правни лица регистрирани како кабаре диско и кои се со истечена лиценца, а работеле изминатиот период издадени се решенија за забрана за вршење на дејност“, вели Митева.
Контролирани се и кафулиња и клубови. Констатирани се неправилности и за 28 се изречени прекршочни казни, два објекти се затворени поради пречекорување на работно време, изјави Митева.
Прочитај повеќе
Триесетдневен притвор за Бектеши, приведени тројца градоначалници на Кочани
Со истражните активности во моментов се опфатени над 30 лица.
21.03.2025
Дискотеката во Кочани работела во објект наменет за лесна индустрија
Како што истакна министерот за внатрешни работи, над 22-23 лица се осомничени за целиот настан.
17.03.2025
Коцевски: Во дискотеката немало хидрант, а имало само два ПП апарати
ЈО засега бара притвор за десет лица.
16.03.2025
Владата најавува вонреден инспекциски надзор во ноќните клубови
Се задолжува Државниот пазарен инспекторат во наредните три дена да изврши вонреден инспекциски надзор врз угостителски објекти (кабаре, ноќен клуб, дискотека и дискотека на отворен простор)
16.03.2025
Претходно, во телевизиско интервју премиерот Христијан Мицкоски рече дека контролите кои започнаа по трагедијата во Кочани покажуваат дека дури половина од дискотеките, кабареата и угостителските објекти не ги исполнуваат основните технички услови.
„Пред да дојдам на ова интервју добив информација од Државниот пазарен инспекторат дека се проверени повеќе од 60-70 локали. Дури и оние кои имаат важечки лиценци, повеќето од половина не ги исполнуваат минималните технички услови. И тоа е најголемиот проблем … разговарано е и со претседателот на ЗЕЛС под итно да закаже Управен одбор, да се проверат сите оние објекти кои се под општинска надлежност. Комуналните инспектори ќе излезат на терен, ќе ги проверат натстрешниците и терасите. Нема назад, тргнавме“, изјави премиерот во интервјуто за ТВ Сител.
.webp){kind=icon}
Во моментов нема коментари за веста. Биди прв да коментира...