„Во банкарството одамна сме научени сопствениците на пропаднати фирми, за своите слабости, лошо и незаконско работење да ги обвинуваат банките“, стои во реакцијата на Комерцијална банка која во денеска презентираниот извештај за стечајот на Еуростандард банка беше посочена дел е дел од незаконска шема.
Според банката, најчудно во овие „експертски анализи“ е што од ниедна од банките, вклучувајќи ја и Комерцијална банка, овие „домашни и меѓународни експерти“ не побарале никаква документација или состанок за да ги презентираат своите „наоди“ и да ги слушнат аргументите на банките. „Тие само се повеле од укажувањата на сопствениците на пропаднатите фирми и на Еуростандард банка, а кои пак признаа дека ги плаќаат „експертите“ од имот кој не им бил замрзнат, за сега да бидеме наивни и да треба да веруваме во независно мислење“, реагира банката.
Од банката велат дека проблематично со извештајот е тоа што како што се наведува во него, „се заснова на информациите, документите и помошта обезбедена исклучиво од страна на клиентот“, и „не може да се гарантира дека тие информации се точни“, како и дека „компанијата Р.У.Р. ДОО нема да се смета за одговорна за какви било грешки, пропусти, недостатоци или погрешни толкувања на информациите или каква било загуба или штета“.
„За разлика од таквите „експерти“, меѓународни ревизорски куќи кои вршат редовни годишни ревизии на работењето на Комерцијална банка со увид во документацијата и НБМ со своите годишни и други ревизии не утврдија такви неправилности и незаконитости во работењето на Комерцијална банка. Исто така, во целиот овој период Комерцијална банка е една од најнаградуваните банки во земјава од страна на реномирани меѓународни институции. Впрочем, и меѓународната кредитна агенција Стандард и Пурс потврди дека банкарскиот сектор во Македонија е стабилен и добро капитализиран, со стапка на нефункционални кредити од ниски 3% и адекватност на капиталот од 17%“, велат од Комерцијална.
Според банката, единстевни виновници за стечајот на Еуростандард банка се одговорните лица во Надзорниот одбор, Управниот одбор и лицата со кредитни овластувања, кои со погрешни кредитни одлуки ја довеле банката во стечај.
.webp){kind=icon}
Во моментов нема коментари за веста. Биди прв да коментира...