.webp){kind=icon}
Единствена причина за зголемувањето на сметките за топлинска енергија што ги добија граѓаните за август е тоа што во нив не е вкалкулирана субвенцијата, што ја дава Владата за потрошувачите на топлинска енергија во Градот Скопје и од тие причини се значително зголемени, објасни претседателот на Регулаторната комисија за енергетика и водни услуги (РКЕ), Марко Бислимоски и додаде дека сметките се зголемени за 40-тина проценти.
Бислимовски бара БЕГ да ги сторнира сите сметки коишто се испратени до потрошувачите и да се изготват нови сметки во коишто ќе биде вкалкулирана субвенцијата која што ја добиваат граѓаните од страна на Владата. За оние граѓани кои веќе ги платиле сметките рече дека ќе им биде вратена разликата во сумата во наредните сметки без разлика дали дејноста ќе ја врши БЕГ или некоја друга компанија.
„Средства во Буџетот на државата се обезбедени. Исто така, има одредена одлука која што е донесена веќе еднаш. Доколку е таа со изминат рок ќе се донесе нова одлука со која што уште еднаш ќе се потврди дека потрошувачите на топлинска енергија во Градот Скопје ќе ги добијат субвенциите“, рече Бислимоски и нагласи дека е невообичаено сметките да се испраќаат на 30 и 31 август, бидејќи месецот уште не е завршен.
Прочитај повеќе
Се зголемува ценовниот јаз меѓу поевтините бензини и поскапиот дизел
Од ноќеска бензините поевтинуваат за 2 денари, а цената на дизелот останува иста
01.09.2022
Дизелот со трицифрена цена по пауза од месец и половина
Дизелот од ноќеска на полноќ ќе се продава за 3 денари поскапо, односно по 101,5 денари за литар
29.08.2022
Владата прогласи енергетска кризна состојба
Кризната состојба за снабдување со струја важи за целата држава, а за снабдување со парно важи во Скопје
25.08.2022
„Сметам дека немало потреба да се испраќаат сметки на 30 и 31 август. Не ми е јасно зашто од БЕГ не не информирале за тоа и треба да ја исправат грешката што ја направиле со сторинирање на фактурите и граѓаните да добијат сметки за топлинска енергија како што беше договорено“, посочи Бислимоски.
Прашан дали е точна информацијата дека не не набавен гас за потребите на загревањето на скопјани кои се приклучени на централно греење, претседателот на РКЕ рече дека има информации оти компанијата што планира да го преземе снабдувањето со топлинска енергија е во комуникација со најголемиот трговец со природен гас во земјава за да го обезбеди овој енергенс за потребите на домаќинствата.
„Со оваа цена на природен гас која минатата недела беше 3.500 долари за нормален кубен метар, а деновиве има тренд на намалување ако може тоа да се каже и сега чини 2.600 долари треба сериозно да се размисли дали ќе постои и опција со мазут доколку цената е висока. Верувам дека ќе биде обезбеден гас, а и ТЕ-ТО ќе работи во септевмри“, рече Бислимоски.
Нагласи дека ТЕ-ТО мора да работи во грејната сезона бидејќи цената што ја дава за греењето е за 60-тина проценти пониска од цената на топланите, а дополнително се обезбедува и да нема загадување во градот Скопје.
„Работењето на ТЕ-ТО во делот на електричната енергија е неопходно во зимските месеци од технички аспект за да ги стабилизра напонскит еприлики во мрежата. Според мене, не постои опција ТЕ-ТО да не работи во текот на зимските месеци“, потенцира Бислимоски и додаде дека веќе е прогласена кризна сиосотјба во енергетиката и државата ќе најде начин за да функционира системот за топлинска и за електрична енергија.
