Според проценетите податоци на Државниот завод за статистика, стапката на раст на бруто-домашниот производ (БДП) за второто тримесечје од 2022 година е 2,8 проценти.
Во второто тримесечје од 2022, најголем пораст од 8,1 проценти забележан во секторите: трговија на големо и трговија на мало, поправка на моторни возила и мотоцикли, транспорт и складирање, објекти за сместување и сервисни дејности со храна и информации и комуникации. Следуваат секторите уметност, забава и рекреација, други услужни дејности, дејности на домаќинствата како работодавачи, дејности на домаќинствата кои произведуваат разновидна стока и вршат различни услуги за сопствени потреби со раст од 7,9 проценти.
Финалната потрошувачка на домаќинствата вклучувајќи ги непрофитните институции кои им служат на домаќинствата, во второто тримесечје од 2022 година, номинално расте за 14,7 проценти, а нејзиното учество во структурата на бруто-домашниот производ изнесува 68,6 проценти.
„Во истиот период, извозот на стоки и на услуги номинално се зголеми за 27,1 проценти, а увозот на стоки и на услуги забележа зголемување во номинален износ од 34,9 проценти. Бруто-инвестициите во второто тримесечје од 2022 година бележат најголемо покачување во делот на промената на залихите“, информираат од ДЗС.
.webp){kind=icon}