Просечната месечна исплатена нето-плата по вработен, во јули 2025 година, изнесува 45 276 денари. Според податоците на Државниот завод за статистика, во јули 2025 година, во однос на јули 2024 година, просечната месечна исплатена нето-плата по вработен е повисока за 10.5 отсто.
„Ваквото зголемување се должи, пред сè, на зголемувањето на просечната месечна исплатена нето-плата по вработен во секторите: административни и помошни услужни дејности за 16.5 отсто, образование за 15.0 отсто и дејности на здравствена и социјална заштита за 14.8 отсто“, стои во соопштението.
Просечната плата за јули бележи намалување во однос на јуни годинава за 0,4 отсто.
Прочитај повеќе
Непродуктивна вработеност во Македонија, расте и вработувањето на црно
Податоците за првата половина од годината покажуваат загрижувачки трендови на пазарот на трудот ако се земе предвид дека токму перформансите на пазарот на трудот се еден од најважните индикатори за „здравјето“ на целокупната економија.
17.09.2025
Просечната плата урива рекорди – реалност или балон
Дури 73,3 отсто од вработените не добиваат просечна плата.
12.09.2025
Се намалува активноста: Сѐ помалку луѓе бараат работа во Македонија
БДП порасна, но не создаде нови работни места
06.09.2025
Милионери на платен список: Кој во јули добил над 300.000 евра плата во Македонија?
Според податоците кои „Блумберг Адрија“ ги доби од Управата за јавни приходи највисоката плата изнесувала 19.935.728 денари (324.158 евра). Во топ три највисоките плати влегуваат и тие од близу 217.000 евра и 170.000 евра.
04.09.2025
Инфлацијата одново ја врати платата како клучен фактор при вработување
Последнава година со инфлацијата повторно се враќа приоритетот на платата и тоа е пресудно. Бенефициите пораснаа премногу, па се очекува дека секако следуваат, велат познавачите на пазарот на трудот.
27.08.2025
„Намалување на просечната месечна исплатена нето-плата по вработен, во однос на претходниот месец, е забележано во секторите: финансиски дејности и дејности на осигурување за 4.0 отсто, рударство и вадење на камен за 3.3 отсто и информации и комуникации за 3.0 отсто“, соопшти ДЗС.
„Блумберг Адрија“ пишуваше дека во трите најголеми плати во јули годинава заедно надминаа 700.000 евра. Најголемата исплатена нето-плата во тој месец изнесувала 324.000 евра.
Во истиот месец, според податоците на Управата за јавни приходи, биле исплатени и плати на износ од нула денари што законски не е можно и за што УЈП веќе го алармирала Државниот инспекторат за труд.
Според податоците на Сојузот на синдикатите пак, над 73 отсто од работниците во земјава заработуваат плата под државниот просек.
Реалната плата на годишно ниво, според последните податоци на ДЗС е за 5,5 отсто повисока, а на месечно ниво се намалила за 1,5 отсто.
.webp){kind=icon}
