За една година угостителските услуги во Македонија поскапеле за 16,7 отсто. Државниот завод за статистика бележи раст на цените буквално кај сите ставки.
Прочитај повеќе
Пад и кај производството и кај бројот на вработени во индустријата
Индустриското производство е намалено за 5 проценти, а бројот на работници за 0,6 отсто за една година
31.08.2022
Трговците секој ден лепат нови цени на храната: Кризно или реално?
Иако трошоците се поскапени, економистите сметаат дека крајните цени растат повеќе од инпутот
24.08.2022
Високите цени го 'изедоа' растот на платите
Номинално во јуни платата пораснала за високи 10,9 отсто, но реално се намалила за над три отсто
19.08.2022
Податоците покажуваат дека во месец август годинава храната била за 23 отсто поскапа од истиот месец лани, при што најмногу е качена цената на слатките, за дури 32,5 отсто, по што следуваат печените меса и јадењата по порачка, чија цена за една година се зголемила за 27,5 проценти.
Статистиката бележи раст на цената на салати во угостителски објекти за 26,2 отсто, варивата поскапеле за 17 проценти, предјадењата за 16,6 отсто, а лебот поскапел за дури 20,9 отсто.
Интересен е податокот за лебот, каде што според статистиката, овој производ во угостителството за само еден месец поскапел за 13,1 отсто, што не е случај со ниту една друга ставка толку драстично да се зголеми на месечно ниво. За споредба, продажните цени на било кои производи и услуги во угостителството во август во однос на јули поскапеле за максимум 1,4 отсто.
Покачување има и кај алкохолот, при што пијалоците минатиот месец се продавале за 7,4 проценти поскапо отколку во август лани. Додека, цените на безалкохолните пијалоци во угостителството за една година се качиле за 9 проценти.
Статистиката покажува дека е поскапено и ноќевањето за 3,9 отсто.
.webp){kind=icon}
