Ситуацијата во САД личи на двесеттите години на минатиот век

Кети Вуд од Арк Инвестмент Менаџмент вели дека економијата на САД полека се движи кон повторување на Големата депресија односно настаните од дваесеттите години на минатиот век, заради тоа што Федералните резерви (ФЕД) ги игнорираат дефлаторните притисоци и го продолжуваат циклусот на затегање на монетарната политика.

Во серијата пораки објавени на Твитер во саботата, Вуд напиша дека сегашната економија е слика на 1920-тите, кога Првата светска војна и шпанскиот грип, и поврзаните проблеми со синџирот на снабдување, ја дигнаа инфлацијата на над 20 отсто, по што следеше драматично намалување следната година . ФЕД  која дотогаш ги намалуваше каматните стапки, помогна да се почне ерата позната како „Роуринг дваесетти“, или декадата на економски раст.

Една деценија подоцна, по предупредувањата за прекумерните шпекулации на берзата, ФЕД ги зголеми каматните стапки. Потоа, по падот на берзата следеше Големата депресија.

Вуд го повика ФЕД да го смени тековниот циклус на зголемувања на каматните стапки, велејќи дека економијата покажува знаци на намалување на инфлациските притисоци. „Не би биле изненадени ако видиме дека инфлацијата на широка основа стане негативна во 2023 година“, рече таа.

Ако ФЕД не ги смени политиките, „сценариото ќе биде повеќе како во 1929 година“, вели таа.

Некои корисници на Твитер одговорија на твитовите на Вуд, спротиставувајќи се на споредбите со периодот од пред 100 години.

Во моментов нема коментари за веста. Биди прв да коментира...

Остави коментар