.webp){kind=icon}
Пазарот на трудот во САД почнува да еродира за групата млади возрасни, кои обично се најчувствителни на економската криза. Тоа го покажува најновото истражување на ФЕД Сент Луис. Откако ФЕД почна да ги подигнува каматните стапки на почетокот од оваа година, дојде до пад на соодносот на вработеноста и бројот на жители, кога станува збор за Американците на возраст од 20 до 24 години што не се запишани на факултет, покажува анализата на Вилиам Роџерс, директор на Институтот за економска правичност при ФЕД Сент Луис.
„Во периодот меѓу февруари и август, падот изнесува околу 1,8 процент за таа група луѓе“, напиша Роџерс. Меѓу Латиноамериканците и луѓето со темен тен падот е приближно за трипати поголем.
Иако вкупната вработеност се задржа откако ФЕД почна да ги покачува каматните стапки за да се избори со инфлацијата, анализата нагласува нееднаквост на американскиот пазар на работна сила, што веројатно ќе се зголеми како што станува построга монетарната политика, потенцијално вршејќи притисок врз централните банки да попуштат.
До крајот на следната година, стапката на невработеност меѓу младите од 20 до 24 години што не одат на настава би можела да достигне речиси 12 отсто, додека за Латиноамериканците и лицата со темен тен таа стапка може да надмине 18 проценти, покажуваат проекциите на ФЕД Сент Луис.
