Синдикатите на големите јапонски компании бараат работниците да го добијат своето највисоко покачување на платите во последните 25 години, според Јапонската конфедерација на синдикати, бидејќи зголемените цени ги притискаат буџетите на домаќинствата низ целата земја.
Претставниците на синдикатот ги поднесоа своите барања за месечни зголемувања на платите, што резултира со барања за просечно зголемување од 4,49 проценти, или 98 американски долари месечно, почнувајќи од 1 март, според соопштението за печатот. Последен пат кога членовите на конфедерацијата побараа зголемување од повеќе од четири отсто беше во 1998 година, се наведува во извештајот.
Преговорите за платите ги истакнуваат тешкотиите со кои се соочува Јапонија во постигнувањето големи зголемувања на платите во услови на повисоки цени на храната и горивото. Банката на Јапонија соопшти дека зголемувањето на платите е од клучно значење за нејзината цел за постигнување стабилна инфлација, која е предводена од побарувачката.
Во разговорите за платите меѓу конфедерацијата, позната како „Ренго“ (Rengo), и Јапонската бизнис-федерација, кои започнаа кон крајот на јануари, двете страни работат на зголемување на надоместокот, за кој се согласуваат дека треба релативно нагло да се зголеми во услови на растечка инфлација. „Ренго“ бара покачување од околу пет проценти, што е најмногу во последните 28 години.
.webp){kind=icon}
