Основните потрошувачки цени во САД во февруари пораснале најмногу во последните пет месеци, што ги принудува функционерите на Федералните резерви (ФЕД) на тежок избор, додека ја одмеруваат сè уште брзата инфлација наспроти банкарските превирања во рамките на нивната следна одлука за каматните стапки.
Индексот на потрошувачките цени (анг. consumer price index - CPI), без храна и енергија, се зголемил за 0,5 отсто минатиот месец и 5,5 отсто во однос на претходната година, според податоците на Бирото за статистика на трудот објавени во вторникот. Економистите го следат мерачот - познат како core CPI - како подобар показател за базичната инфлација во однос на главната мерка.
Базичната американска инфлација се загреа во февруари
Основниот индекс на потрошувачки цени ги надмина прогнозите
Bloomberg
Вкупниот CPI се искачи за 0,4 отсто во февруари - од кои над 70 отсто се должат на домувањето - и 6 отсто во однос на претходната година. Просечните процени во анкетата на „Блумберг“ меѓу економистите предвидуваа месечно зголемување од 0,4 отсто во вкупната и основната мерка на CPI.
Прочитајте повеќе: Во САД зголемен бројот на вработени, растот на платите забави
Бројките потврдуваат дека обидот на ФЕД да ја скроти инфлацијата ќе биде компликуван, бидејќи економијата во голема мера се покажува отпорна на едногодишното зголемување на каматните стапки. Предизвикот за централната банка сега е како да ѝ се даде приоритет на инфлацијата, која сè уште е премногу висока, покрај зголемените ризици за финансиската стабилност по пропаста на банката „Силикон валеј“ (СВБ).
Непосредно пред да започне кризата минатата недела, претседателот Џером Пауел ја отвори вратата за повторно забрзување на темпото на зголемување на каматните стапки, но многу економисти сега велат дека централната банка или ќе се придржува до помало покачување или целосно ќе паузира на состанокот следната недела. Според некои тврдења, дури е можно да видиме и намалување на стапките.
„Влеговме во овој хаос затоа што многу централни банки и многу економисти, а и ФЕД, почнаа да веруваат дека инфлацијата во голема мера е мртва“, вели Итан Харис, шеф за глобалното истражување во Банката на Америка (Bank of America Corp.), за телевизијата „Блумберг“. „Сега гледаме масовно надминување“.
Што вели „Блумберг економикс“...
„Извештајот за CPI од февруари покажува дека инфлацијата не исчезнува брзо и останува огромна потребата ФЕД да продолжи да ги зголемува стапките. Поместување од 25 базични поени би било соодветно на состанокот во март, проследено со уште неколку, додека централната банка не достигне терминална стапка од 5,25 отсто“.
- Ана Вонг и Стјуарт Пол, економисти
Денешниот извештај е еден од последните големи податоци што ФЕД ќе ги има при рака пред состанокот на 21-22 март. Креаторите на политиката исто така ќе ги испитаат податоците за инфлацијата на големо и продажбата на мало в среда, плус други бројки за очекувањата за домување, производство и очекуваната инфлација од потрошувачите.
.webp){kind=icon}
