Американските компании во јуни отвориле речиси половина милион нови работни места, што е најголема бројка регистрирана во последната година. Приватните платни списоци се зголемиле за 497.000 претходниот месец, што претставува најголем напредок од февруари 2022 година, според податоците на истражувачкиот институт АДП (ADP), во соработка сo „Стенфорд диџтал економи лаб“ (Stanford Digital Economy Lab).
Овие податоци се двојно повисоки од средната процена на „Блумберг“. Нови работни места се отворени речиси во сите сектори, особено во градежништвото, трговијата и транспортот и другите услужни индустрии, како и во угостителскиот сектор, кој има најголем број работни места споредено со септември 2021 година.
Секој регион, освен југот, има отворено слободни работни места, кои во најголем дел се однесуваат на фирмите со помалку од 250 вработени. Во меѓувреме растот на платите е со забавено темпо. Работниците што останале на работните места забележале раст на платите за 6,4 отсто, додека оние што го промениле работното место забележале раст на годишната плата во просек за 11,2 отсто.
Според извештајот на АДП, во неколку сектори има намалување на бројот на вработени, особено во производствениот, информацискиот и финансискиот сектор. Намалувањето на работните места, според мерењата на „Челенџер греј енд крисмас“ (Challenger Gray & Christmas), е за речиси половина од мајското ниво споредно со јуни. Бирото за статистика на трудот в петок треба да го објави извештајот за работните места. Во него се вклучени и државните плати, со што ќе се знае целосната слика за тоа како се движи пазарот на трудот. Прогнозерите предвидуваат дека работодавците отвориле 225.000 нови работни места во јуни, додека годишниот раст на платите e забавен.
Bloomberg Mercury
.webp){kind=icon}
