.webp){kind=icon}
Претседателот на Федералните резерви (Фед) на Атланта, Рафаел Бостик, рече дека најверојатно би било соодветно да се намалат каматните стапки во четвртиот квартал, нагласувајќи го нерамниот пат на инфлацијата.
Бостик повтори дека очекува само едно намалување годинава, посочувајќи на силата на економијата и побавниот пад на инфлацијата. Шефот на Банката на федерални резерви на Атланта е член на Комитетот за креирање политики на Фед со право на глас.
„Мислам дека би било соодветно да намалиме кон крајот на годинава, во четвртиот квартал“, рече Бостик во интервју за „Си-ен-би-си“ (CNBC). „Ако патот на инфлацијата се забави, тогаш ќе треба да бидеме потрпеливи отколку што мислам дека многумина очекуваат“.
Прочитај повеќе
Фед нема да брза со потезите, можно е годинава да скрати помалку од очекуваното
Членот на Советот на гувернери на Фед, Кристофер Волер, рече дека нема брзање со намалувањето на каматните стапки.
28.03.2024
Официјалните лица ја задржаа својата прогноза за три намалувања годинава, според просечната проекција. Од 19 функционери, девет очекуваат две или помалку намалувања. На состанокот во март централната банка ги задржа каматните стапки на највисокото ниво во повеќе од две децении.
Бостик вели дека инфлацијата не е многу променета во последно време, но го загрижуваат некои други ценовни показатели. И иако од своите контакти не слуша за многу проблеми со вработувањето, најави дека негативен пресврт на пазарот на трудот може да влијае на неговата прогноза за само едно намалување.
„Ако вработувањето почне да опаѓа, тогаш ќе морам да го земам тоа предвид“, рече Бостик.
Месечниот извештај за работните места на владата, кој треба да излезе в петок, се очекува да покаже дека работодавците додале 214.000 работни места во март. Економистите сметаат дека стапката на невработеност паднала на историски ниски 3,8 отсто.
